Í Reykhúsinu í Útey eru notaðar þrenns konar reykaðferðir þ.e. taðreyking, birkireyking og heitreyking. Mismunur á taðreykingu og birkireykingu er einungis sá,að mismunandi efni er notað til að brenna þ.e. þurrkað tað eða birkisag. Mun sterkara reykbragð er af taðreykta fisknum en birkireykti fiskurinn aftur á móti mildari á bragðið.
Heitreykti fiskurinn er allt öðru vísi, því hann er reyktur við heitan reyk (reyksoðinn). Hann verður því mjúkur og laus í sér en þannig á hann einmitt að vera. Hann er mjög ljúfengur í ýmis konar forrétti. Roðinu má fletta af og t.d. skera hann í bita, nota góða kalda sósu (t.d. piparrótarsósu) og ristað brauð/rúgbrauð, salatblað og t.d.tómatbáta, eggjabáta með og þá er kominn fínn forréttur. Eins má nota hann í alls konar “paté”.

| Aftur á aðalsíðu |

Bleikjan, sem notað er í reykingu, er eldisfiskur. Ávallt er þess gætt að nota einungis úrvals hráefni og allur fiskurinn er beinhreinsaður.

Reykti silungurinn er seldur í eftirfarandi verslunum: Melabúðin, Fjarðarkaup, allar Nóatúns versl., allar Hagkaups versl.i, Fiskbúðin Sundlaugarveg, , Kökubankinn, Kökuhornið Bæjarlind, Úrval Miðvangi og Selfossi, Strax Suðurveri, Hófgerði, Laugarvatni og Flúðum, Nettó Mjódd, Salavegi, Grafarvogi og Höfn,

og Vestmannaeyjum, Kjarval Hvolsvelli og Hellu, Versl.Borg Grímsnesi, Gallerí Laugarvatni, Bæjarbakarí Hafnarfirði, Björnsbakarí Klapparstíg, Vöruval Vestmannaeyjum, Kaupfélag Steingrímsfjarðar Hólmavík, Krónan Bíldshöfða, Granda, Lindum, Mosfellsbæ, Reykjavíkurvegi Hafnarf., Hvaleyrarbraut Hafnarf., Árbæ, Reyðarfirði, Akranesi og Vestmannaeyjum.



Yfir sumartímann er tilvalið að koma heim að bænum og kaupa sér reyktan og nýjan silung.

Þá er líka tekinn lax og stór silungur í reyk frá stangaveiðimönnum.


Uppskriftir með reyktum silungi.

| Aftur á aðalsíðu |

Forréttur með heitreyktum og birkireyktum silungi.


Þessi uppskrift er fyrir u.þ.b. 15 manns.

½ kg. heitreyktur silungur
1 -1½ hvitlauksrif
piparrót nokkrar flísar
1 eggjahvíta
koníak
½ l rjómi
3 blöð matarlím
birkireyktur silungur

Heitreykti silungurinn, hvitlaukurinn, piparrótin, eggjahvítan, koníak og smá rjómi sett saman í matvinnsluvél eða hrært saman í hrærivél. Matarlímið leyst upp í sítrónusafa og blandað saman við. Restin af rjómanum þeytt og bætt út í síðast.
Birkireykti silungurinn skorinn í þunnar sneiðar og raðað á plastfilmu. Allt gumsið látið ofan á og síðan er öllu rúllað upp eins og rúllutertu og fryst. Tekið úr frysti u.þ.b. 2 tímum fyrir notkun og skorið í sneiðar. Borið fram vel kalt. Gott er að hafa piparrótarsósu og ristað brauð með þessum rétti.


Heitreykt Úteyjarpaté, f.4

300 g heitreyktur silungur
50 g rjómaostur án bragðefna
4 tsk. þurrt sérrí, t.d. Tio Pepe,(má sleppa)
2 tsk. Kikkoman sojasósa
1 tsk. Sítrónusafi
1 lítil rauð paprika, söxuð smátt
1 msk. smátt saxaður laukur
1 búnt smátt skorið steinselja
100 g heslihnetuflögur.

Hrærið ostinn mjúkan með sleif ásamt sérríinu, sojasósunni og sítrónusafanum. Stappið fiskinn með gaffli. Blandið honum því næst saman við smátt saxaða paprikuna og laukinn. Hrærið ostahræruna saman við og mótið brauð úr deiginu. Veltið brauðinu síðan upp úr heslihnetuflögunum og smátt skorinni steinseljunni. Kælið í ísskáp áður en patéið er skorið í sneiðar og sett á disk ásamt piparrótarrjóma og hverabrauði.

Mjög einfaldur og fljótlegur forréttur með taðreyktum silungi.

Melóna skorin þversum í sneiðar, þannig að við fáum hringi. Kjarninn tekin úr og hýðið skorið af. Einn hringur af melónu lagður á hvern disk, nokkrar sneiðar af taðreyktum silung lagðar innan í miðjuna og smá sletta af kaldri majonessósu sett ofan á. Restin af sósunni höfð með í skál.
Majonnessósa, sem er mjög góð með þessum rétti:
Majonnes og þeyttur rjómi til helminga hrært saman. Smá sletta af tómatsósu, þannig að örlítill bleikur blær verði af sósunni, settur út í. (Ekki það mikið að sósan verði eins og kokteilsósa).
Í þennan rétt má að sjálfsögðu líka nota birkireyktan silung.

Pastasalat með silungi.

280 gr. spaghetti eða núðlur
200 gr. mozzarellaostur
120 gr. heitreyktur silungur (má líka nota birki- eða taðreyktan)
1 st. agúrka
1 búnt basilika
ólífuolía

salt Sjóðið pastað “al dente”, passið að ofsjóða það ekki og sigtið. “Al dente” þýðir að þegar bitið er í pastað skal það veita örlítið viðnám, en maukast ekki strax undir tönn.
Skerið silunginn, agúrkuna og ostinn í litla bita og blandið saman við kalt pastað ásamt olíudreitli og saltið eftir smekk. Rífið eða klippið basilikulaufin yfir.

Forréttur úr heitreyktum silungi með kavíartopp.

500 gr.heitreyktur silungur
6 blöð matarlím
3 dl cremefraiche 18 %
salt og pipar
safi úr ½ sítrónu Leggið matalímið í kalt vatn. Roðið tekið af silungnum og fiskurinn settur í mixara.

Hrærið cremefraiche vel saman við. Bragðbætið með sítrónusafa og kryddi.
Matarlímið leyst upp í vatnsbaði og blandað varlega saman við . Skiftið í 8 lítil form eða skálar og látið vera á köldum stað í 3-4 tíma. Skálunum hvolft á disk og á þá búðingurinn að losna úr skálinni. 1 skeið af kavíar sett ofan á. Skreytt með salatblaði. Piparrótarsósa og ristað brauð haft með.